من أول يوم دراسي قال المدير لاتجي بكره الا ومعك ولي أمرك !!

من أول يوم دراسي قال المدير لاتجي بكره الا ومعك ولي أمرك !!

.
.
.
.
.
.
.
.
.
.
.





كلنا نذكر أيام الثانوية ..

كل واحد فينا عنده ذكريات عن أحلا أيام في العمر , مرحلة الثانوية ..

مرحلة النضوج والتغيير ..

وبروز وثبات الشخصية , بكل أبعادها ..

<< يلعن امها قوية وش ابعاده ووش نضوج




.
.
.
وانا في المتوسط كان اثنين ومن اخواني وحول اربع من عيال عمي في الثانوية ..

انا كنت توني ورع

لازق بالشايب وين ماراح خذاني معه

من المدرسة للشايب للفراش ..
اطلع من المدرسة اوصل البيت اتغدى من الشايب واخواني ثم يستلمني الشايب مشاوير ..

المسجد السوق الزيارات المناسبات مايطلع الا وانا اسوق به وانا ورع ابو 14 سنه

طالب باول النهار سواق ومرافق وخادم وخوي بآخره ..
وباقي اخواني الكبار اللي بالثانوي فالينها

يروحون ويجون ويديتون
وانا محجرلي الشايب

حتى صرت لابغيت الفكه منه قلت له عندي اختبار بكره ولازم اذاكر ..

وكنت فعلا اقعد بالبيت وأذاكر

صار عندي نهم وشغف للقراءة , أقرا اي شي امسكه بيدي , وكنت اسبق الفصل بكذا وحدة او درس بالمادة , كنت اقرأ لأسابيع قادمة ..

بس ابي الفكه من مشاوير الشايب والتحجير اللي ما لأمه داعي

أيامها ماكنت أدخن بس أعرف الزكرته

المهم ..

كانوا اخواني اللي بالثانوي راعين مشاكل وهوشات شلل وحواري ..

مدرستي المتوسطة كان ملاصقه لثانويتهم ..

وكل يوم لازم في الطلعه تصير هوشه ..

وانا يوم اقول كل يوم فانا صادق , كل يوم كان لازم فيه هوشه سواء كبيره او صغيره او حتى مجرد كلام ومنافخ ومهايط ..

انا مالي بالهواش بس اموت واتفرج على هوشه

ممكن اقدم دعم معنوي او استراتيجي تكتيكي لكن اشارك نو واي

ايامها اخواني ضربوا استاذ التوحيد واستاذ الفيزياء وكسّروا سياراتهم
استاذ التوحيد كان مطوع متشدد ومستقعد للزكرت
واستاذ الفيزياء عنصري مناطقي وشايف نفسه

مسكوهم وكم واحد معهم وانسجنوا كم اسبوع وطلعوا بتعهدات وحب خشوم

<<< يتبع ..